8th tamil III mid term model question
எட்டாம் வகுப்பு வினாத்தாள் 2026
Saturday, January 31, 2026
10 ரூபாய்க்கு 13 இலட்சம் ஒரு குட்டிக்கதை மாணவர் நன்னெறிக் கதை tamil short story 13 lakhs for 10 rs
tamil short story 13 lakhs for 10 rs
Friday, January 30, 2026
பத்தாம் வகுப்பு தமிழ் இரண்டாம் திருப்புதல் தேர்வு வினாத்தாள் pdf சிவகங்கை 2026
10th social science revision question சமூக அறிவியல் முதல் திருப்புதல் தேர்வு வினாத்தாள் 2026 விருதுநகர்
Tenth science first revision exam question paper pdf virudhunagar district tamil and English medium 2026 sslc
பத்தாம் வகுப்பு சமூக அறிவியல் முதல் திருப்புதல் தேர்வு தமிழ் & ஆங்கில வழி வினாத்தாள் pdf விருதுநகர் மாவட்டம் 2026
Tenth social science first revision exam question paper pdf virudhunagar district tamil and English medium 2026 sslc
பள்ளி காலை வழிபாட்டுச் செயல்பாடுகள் 30-01-2026. வெள்ளி
School morning prayer activities
பள்ளி காலை வழிபாட்டுச் செயல்பாடுகள்
30-01-2026. வெள்ளி
திருக்குறள் :
பால் : அறத்துப்பால் ;
இயல்: ஊழியல் ;
அதிகாரம்: ஊழ் ;
குறள் எண் : 373.
குறள்:
நுண்ணிய நூல்பல கற்பினும் மற்றுந்தன் உண்மை யறிவே மிகும்.
உரை :
ஒருவன் நுட்பமான நூல் பலவற்றைக் கற்றாலும் ஊழுக்கு ஏற்றவாறு அவனுக்கு உள்ள தாகும் அறிவே மேம்பட்டுத் தோன்றும்.
பழமொழி :
> தன்னடக்கம் தான் மிகப் பெரிய சக்தி.
Self-control is the strongest power.
இரண்டொழுக்க பண்புகள் :
1. கண்காணிக்க எவரும் இல்லாத போதும் கடைபிடிக்கப்படும் நேர்மையே உண்மையான ஒழுக்கம்.
2. எனவே எப்பொழுதும் ஒழுக்கத்தைக் கடைபிடிப்பேன்.
பொன்மொழி :
+ சகிப்புத் தன்மையால் தான் மகான்கள் நிம்மதி பெறுகின்றனர்.
துன்பம் வரும் காலத்தில் அமைதியாக இருக்க பழக்கப் படுத்திக் கொள்ள வேண்டும். - மார்க் ட்வைன்.
பொது அறிவு :
01. பணத்திற்கு ரூப்யா' (Rupya) என்று பெயர் சூட்டியவர் யார்?
ஷெர்ஷா சூரி- Sher Shah Suri
02. இந்தியாவின் தற்போதைய துணை குடியரசுத் தலைவர் யார்?
திரு.ச. பொ. ராதாகிருஷ்ணன்
Thiru.C. P. Radhakrishnan
English words :
overwrought-very worried
inception-beginning of something
தமிழ் இலக்கணம்:
ஒருமை பன்மை குறித்து இன்று பார்ப்போம்
பேருந்து இதை பன்மையாக மாற்றும் போது பேருந்துகள் என்றும்
புறா இதை பன்மையாக மாற்றும் போது புறாக்கள் என்றும் எழுதுகிறோம். ஏன் புறா புறாக்களாக வல்லினம் மிகுந்து வருகிறது? ஒரு எழுத்து நெடிலில் முடியும் போது அதை பன்மைக்கு மாற்றும் போது கள் விகுதி முன்னால் வல்லினம் மிகுந்து வரும்.
எ.கா -விழா -விழாக்கள்
பூ பூக்கள்
கனா
கனாக்கள்
ஆ ஆக்கள்
ஜனவரி 30 - மோகன்தாசு கரம்சந்த் காந்தி அவர்களின் நினைவுநாள்
மோகன்தாசு கரம்சந்த் காந்தி (ஆங்கிலம்: Mohandas Karamchand Gandhi, குசராத்தி பிறப்பு அக்டோபர் 2, 1869 ஜனவரி 30, 1948. ஒரு இந்திய வழக்குரைஞரும், அன்னிய ஆட்சியை எதிர்த்த தேசியவாதியும், அரசியல் அறனாளரும் ஆவார். இவர் மகாத்மா காந்தி என்று அன்புடன் அழைக்கப்படுகிறார். இந்திய விடுதலைப் போராட்டத்தை வெற்றிகரமாக தலைமையேற்று நடத்தியதன் காரணமாக இவர் "விடுதலை பெற்ற இந்தியாவின் தந்தை" என்றும் அழைக்கப்படுகிறார். சத்தியாக்கிரகம் என்றழைக்கப்பட்ட இவரது அறவழிப் போராட்டம் இந்திய நாட்டு விடுதலைக்கு வழி வகுத்ததுடன் மற்ற சில நாட்டு விடுதலை இயக்கங்களுக்கும் ஒரு வழிகாட்டியாக அமைந்தது.
நீதிக்கதை -வெட்டுக்கிளியும் ஆந்தையும்
ஒரு நாள் ஒரு ஆந்தை அங்குள்ள ஒரு மரத்தின் மரப்பொந்தில் தூங்கிக் கொண்டிருந்தது. கீழே புல்தரையில் வெட்டுக்கிளி பாட்டுப்பாடிக் கொண்டிருக்கும் சத்தத்தை பொறுத்துக் கொள்ள முடியாத ஆந்தை வெட்டுக்கிளியிடம் கொஞ்சம் பாடுவதை நிறுத்தும்படி கேட்டது. வெட்டுக்கிளி ஆந்தையைப் பார்த்து நீ ஒரு குருட்டு ஆந்தை. பகலில் வெளியே வராமல் இரவில் எல்லோரும் தூங்கிய பின்புதான் நீ வெளியே வருவாய் நீ என்ன யோக்கியவானா என்று திட்டியது.
ஆந்தை தன்னுடையத் தந்திரத்தினால் தான் வெட்டுக்கிளியை அடக்க வேண்டும் என்று நினைத்து உன் குரல் மிகவும் இனிமையாக இருக்கிறது. அது இன்னும் தேவகானம் போல் ஒலிப்பதற்கு என்னிடம் ஒரு அமிர்தம் இருக்கிறது. அதில் இரண்டு துளி நீ சாப்பிட்டால் போதும், உன் குரலும் அமிர்தமாய் மாறிவிடும். மேலே வந்தால் உனக்கு நான் தருகிறேன் என்றது. ஆந்தை பேச்சைக் கேட்டு ஏமாந்த வெட்டுக்கிளி மரத்தில் ஏறி ஆந்தையின் பக்கத்தில் சென்றது. வந்த வெட்டுக்கிளியை ஆந்தை பிடித்து நசுக்கிக் கொன்றது.
நீதி : பிறருக்கு தொந்தரவு செய்தல் கூடாது.
இன்றைய செய்திகள்
30.01.2026
* சென்னையில் ரூ.822.70 கோடி செலவில் பிராட்வே ஒருங்கிணைந்த புதிய பேருந்து நிலையம் - முதலமைச்சர் அடிக்கல் நாட்டினார்.
*SIR வாக்காளர் பட்டியலில் பெயர் சேர்க்க மேலும் 10 நாட்கள் அவகாசம் வழங்கி உச்ச நீதிமன்றம் உத்தரவு.
*மோதலுக்கு அமெரிக்கா-ஈரான் தயாராகி வருகின்றன: மத்திய கிழக்கில் பதற்றம் நீடிப்பு.
விளையாட்டுச் செய்திகள்
கிராண்ட்சிலாம் போட்டிகளில் ஒன்றான ஆஸ்திரேலிய ஓபன் டென்னிஸ் போட்டி மெல்போர்ன் நகரில் நடைபெற்று வருகிறது.
ஆஸ்திரேலிய ஓபன் டென்னிஸ்: பெகுலாவை வீழ்த்தி இறுதிப்போட்டிக்கு ரைபகினா முன்னேற்றம்.
Today's Headlines - 30.01.2026
* Chief Minister laid the foundation stone of the new integrated bus stand at Broadway-Chennai for Rs. 822.70 crore.
* The Supreme Court has granted 10 more days to add names to the SIR voter list.
* Tensions continue to rise in the Middle East as the US and Iran prepare for conflict.
SPORTS NEWS
The Australian Open tennis tournament, one of the Grand Slam tournaments, is being held in Melbourne.
Australian Open tennis: Rybakina advances to the final after defeating Pegula.
Prepared by
Covai women ICT போதிமரம்
Thursday, January 29, 2026
பத்தாம் வகுப்பு தமிழ் 100 ஒரு மதிப்பெண் வினாக்கள் தேர்வு வினாத்தாள் pdf கள்ளக்குறிச்சி மாவட்டம் 2026
SSLC TENTH 10TH TAMIL 1 MARK TEST 100 QUESTIONS EXAM QUESTION PAPER PDF KALLAKURICHI DISTRICT 2026
sslc, +1, +2 பொதுத் தேர்வு கால அட்டவணை 2026 வகுப்பு 10, 11, 12
10th, 11th, 12th govt public exam date and time table 2026
விளையாட்டும் பயன்களும் தமிழ்க் கட்டுரை பேச்சு pdf Games and utilities tamil essay speech
Benefits of sports
Games and utilities tamil essay speech
Vilaiyattin payankal
Vilaiyattum payankalum
பள்ளி காலை வழிபாட்டுச் செயல்பாடுகள் 29-01-2026.வியாழன் .
School morning prayer activities
பள்ளி காலை வழிபாட்டுச் செயல்பாடுகள்
29-01-2026.வியாழன் .
திருக்குறள் :
பால் : அறத்துப்பால்
; இயல்: துறவறவியல்;
அதிகாரம் : நிலையாமை ;
குறள் எண் : 331.
குறள் :
நில்லாத வற்றை நிலையின என்றுணரும்
புல்லறி வாண்மை கடை.
உரை :
நிலையில்லாதவைகளை நிலையானவை என்று மயங்கி உணரும் புல்லறிவு உடையவராக இருத்தல் வாழ்க்கையில் இழிந்த நிலையாகும்.
பழமொழி :
கற்றது ஒரு போதும் வீணாகாது.
Learning never goes waste.
இரண்டொழுக்க பண்புகள் :
1. கண்காணிக்க எவரும் இல்லாத போதும் கடைபிடிக்கப்படும் நேர்மையே உண்மையான ஒழுக்கம்.
2. எனவே எப்பொழுதும் ஒழுக்கத்தைக் கடைபிடிப்பேன்.
பொன்மொழி :
விவேகத்துடன் செயலாற்றுபவர் எந்த தடைகளையும் தாண்டிவருவார். குறித்த இலக்கை அடையும் வரை அயராது உழைக்க வேண்டும். - டாக்டர் ஏ பி ஜெ அப்துல் கலாம்.
பொது அறிவு :
01.நீரின் கொள்ளளவு அடிப்படையில்உலகின் மிகப்பெரிய நீர் தேக்கம் எது?
கரிபா ஏரி
- Lake Kariba,
ஜாம்பேசி நதி Zambezi river - ஆப்பிரிக்கா Africa
02.ஆசியாவையும் ஆப்பிரிக்காவையும் பிரிக்கும் முக்கிய நீர்வழிப்பாதை எது?
சூயஸ் கால்வாய்
( The Suez Canal
English words:
invincible-unbeatable
generosity-willing to give freely
தமிழ் இலக்கணம் :
கட்டடம் மற்றும் கட்டிடம் வேறுபாடு
இரண்டுமே கட்டுமானப் பொருளைக் குறித்துப் பரவலாகப் பயன்படுத்தப்பட்டாலும், சிறிய நுணுக்கமான வேறுபாடு உள்ளது.
கட்டடம் (Building) என்பது ஏற்கனவே கட்டப்பட்ட அடுக்கு அடுக்கான அமைப்பைக் (Structure) குறிக்கிறது.
> கட்டிடம் (Site/Plot) என்பது கட்டப்படுவதற்குத் தேர்ந்தெடுக்கப்பட்ட இடம், மனை அல்லது நிலத்தைக் குறிக்கும் சொல்லாகும்.
நீதிக்கதை - பலமும் பயமும்
சிங்கம் ஒன்று காட்டு வழியே நடந்து வந்து கொண்டிருந்தது. அதற்குச் சேவல் கூவும் ஒலியைக் கேட்டால் போதும் மிகவும் பயந்துவிடும். நான் காட்டரசனாக மிகுந்த பலத்துடன் இருந்து என்ன பயன்? ஒரு சேவல் கூவுவதைக் கண்டு பயந்து வாழ்வது ஒரு வாழ்வா? என்று தனக்குத்தானே மிகவும் நொந்து கொண்டே இருந்தது. அப்போது எதிரே ஒரு யானை மிகவும் சோர்வுடன் தனது காதுகளை இருபக்கமும் வேகமாக ஆட்டிக்கொண்டே வந்தது. அதனைக் கண்ட சிங்கம், யானையாரே, மிகப் பெரிய உருவம் கொண்ட உமக்கு என்ன கவலை? ஏன் வாட்டமாக வருகிறீர்? என்று கேட்டது.
சிங்க நண்பரே, அதையேன் கேட்கிறீர்? எனக்கு நிம்மதியே இல்லாமல் போய்விட்டது. இதோ எனது காதுகளின் பக்கத்தில் குளவி ஒன்று பறந்துகொண்டே இருக்கிறது. அது காதுக்குள் நுழைந்து கொட்டிவிட்டால் அந்த வலியைத் தாங்க முடியாது. அந்தக் குளவி காதிற்குள் நுழைந்து விடக் கூடாதே என்ற கவலையுடன் காதுகளை ஆட்டிக் கொண்டே வருகிறேன் என்று கூறியது யானை.
எத்தகைய வல்லமை உள்ள உயிருக்கும் கூட அதுக்குன்னு ஒரு கவலை நிச்சயம் உண்டு. அதுபோலத்தான் நமக்கும் என்று உலக வழக்கத்தைப் புரிந்து கொண்டு அதிலிருந்து எதற்கும் கவலைப்படாமல் மகிழ்ச்சியுடன் சிங்கம் வாழ ஆரம்பித்தது.
நீதி : பயம், பலவீனம் இரண்டும் மனிதர்களுக்கும், விலங்குகளுக்கும் பொதுவானது.
இன்றைய செய்திகள் 29.01.2026
* பிற்படுத்தப்பட்டோர், மிகவும் பிற்படுத்தப்பட்டோர் & சீர்மரபினர் வகுப்பை சேர்ந்தவர்களை பொருளாதார ரீதியாக முன்னேற்றும் நோக்கில் பிற்படுத்தப்பட்டோர் பொருளாதார மேம்பாட்டுக் கழகம் மூலம் (TABCEEDCO) ரூ.25 லட்சம் வரை கடனுதவி வழங்க தமிழக அரசு முன்வந்துள்ளது.
* இந்தியாவிலேயே பெண்களை அதிகம் பாதிக்கும் கருப்பை வாய் புற்றுநோயை தடுக்கும் விதமாக தமிழ்நாட்டிலுள்ள 14 வயதுக்குட்பட்ட பெண் குழந்தைகளுக்கு இலவசமாக தடுப்பூசி செலுத்தும் திட்டத்தை தமிழக முதல்வர் தொடங்கி வைத்துள்ளார்.
* தமிழகத்தில் ஆசிரியர் தகுதித் தேர்வு தேர்ச்சி மதிப்பெண்கள் 5% குறைத்து அரசாணை வெளியிடப்பட்டுள்ளது.
* சில்லறை தட்டுப்பாட்டை தீர்க்க சிறு ரூபாய் நோட்டுகளுக்கான ATM -மத்திய அரசு திட்டம். ஹைப்ரிட் ஏடிஎம் களாக அமைக்க மத்திய அரசு ஆலோசனை நடத்தி வருகிறது. மக்கள் அதிகம் கூடும் இடங்களில் இந்த ஏடிஎம்களை அமைக்க அரசு முன்னுரிமை அளிக்கும்.
விளையாட்டுச் செய்திகள்
வங்கதேச அணி உலகக் கோப்பை தொடரில் இருந்து வெளியேறியது. வங்கதேச அணி விலகியதால் ஸ்காட்லாந்து அணி டி20 உலகக்கோப்பையில் விளையாடவுள்ளது.
பிப்ரவரி 7-ந்தேதி தொடங்கும் டி20 உலகக் கோப்பை தொடருக்கு அனைத்து அணிகளும் தயாராகி வருகின்றன. அந்த வகையில் பாகிஸ்தானுடன் 3 போட்டிகள் கொண்ட டி20 தொடரில் விளையாட ஆஸ்திரேலியா அணி முடிவு செய்தது.
Today's Headlines 29.01.2026
* Tamil Nadu government has come forward to provide loan assistance of up to Rs. 25 lakhs to the Backward Classes Economic Development Corporation (TABCEEDCO), which aims to economically advance the backward classes, the most backward classes and the scheduled castes.
* The Chief Minister of Tamil Nadu has launched a free vaccination program for girls under the age of 14 in Tamil Nadu to prevent oral cancer.
* A government order has been issued in Tamil Nadu reducing the passing marks for the Teacher Eligibility Test by 5%.
* Central Government Scheme for ATMs for Small Currency Notes to Address Retail Shortage. The Central Government is considering setting up hybrid ATMs. Also The government will prioritise installing these ATMs in places where people congregate.
SPORTS NEWS
Bangladesh team out of World Cup series. * The Scotland team will play in the T20 World Cup due to the Bangladesh team's withdrawal.
All teams are preparing for the T20 World Cup series starting on February 7. In that regard, the Australian team has decided to play a 3-match T20 series with Pakistan.
Prepared by
Covai women ICT போதிமரம்
Wednesday, January 28, 2026
திறன் ஆறாம் வகுப்பு தமிழ் விடைக்குறிப்பு ஜனவரி மாதத் தேர்வு 2026
THIRAN ASSESSMENT TAMIL ANSWER KEY 6TH
1. அ பூனை
ஆ பனைமரம்
2. முருங்கைக்காய்
தென்னை மரம்
3. அ சிறுமி பாடம் படிக்கிறாள்
4. அ இலை நிறம்
ஆ சிப்பி மணல்
5. ஜெனிதா எந்தப் போட்டியில் முதலிடம் பெற்றாள்?
6. அ மழை நீரை சேகரிப்போம்
ஆ இயற்கை வளங்களைப் பாதுகாப்போம்
7. அன்னப்பறவை கூடாரம் திண்ணை மிதிவண்டி வேப்பமரம்
8. அ அவர்கள் விளையாடுகிறார்கள்
9.
1 அ பணத்தைச் சேமிப்பது
2. சிறு துளி பெரு வெள்ளம்
10. படித்துக் காட்டுதல்
திறன் ஏழாம் வகுப்பு தமிழ் விடைக்குறிப்பு ஜனவரி மாதத் தேர்வு 2026
THIRAN ASSESSMENT TAMIL ANSWER KEY 7TH
1. பனைமரம்
செம்பருத்தி
2. வினாக்குறி
வியப்புக்குறி
3. ஆ
4.ஆண்பால்
அவன் அருண் மணிகண்டன்
பெண்பால்
புனிதா அவள் கார்த்திகா
5. முக்கனிகள் எவை?
6. அ உயர்ந்தான்
ஆ நடத்துகிறார்
7. அ ஒன்று பட்டால் உண்டு வாழ்வு என்பது பழமொழி
8 அ கவின் படிக்கிறான்
ஆ கவின் அருகே மீனா அமர்ந்திருக்கிறாள்
9.
1 இ ஆதவனின் செல்லப்பிராணி நாய்
2 உங்கள் வீட்டு நாய் எங்கே சென்றது
10 படித்துக் காட்டுதல்
திறன் எட்டாம் வகுப்பு தமிழ் விடைக்குறிப்பு ஜனவரி மாதத் தேர்வு 2026
THIRAN ASSESSMENT TAMIL ANSWER KEY 8TH
ஆ. அலைபேசி
2. அ. மான்
ஆ. முயல்
3. அ. கபடி விளையாடுகிறார்கள்
4. அ அலறும்
ஆ பிளிறும்
5. யானைக்கு மிகவும் பிடித்தது எது?
6. அ உயரலாம்
ஆ வேண்டும்
7. அ நான் பல்லாங்குழி விளையாடினேன்
ஆ நான் தோழிகளுடன் விளையாடினேன்
8. அ சிறுமி கடற்கரையில் மணல் வீடு கட்டி விளையாடுகிறாள்
ஆ சிறுவர்கள் மகிழ்ச்சியாக உள்ளனர்
9.
1. ஆ
2. உயிரற்ற பொருள்களுடன் விளையாடுகிற போது மனதிற்குப் பெரும் தீங்கு தருகிறது
10. படித்துக் காட்டுதல்
திறன் ஒன்பதாம் வகுப்பு தமிழ் விடைக்குறிப்பு ஜனவரி மாதத் தேர்வு 2026
THIRAN 9th TAMIL ASSESSMENT ANSWER KEY
ஆ.சாய்வு நாற்காலி
2.கடலை மிட்டாய்
மட்பாண்டம்
3. பல், கலை, கழகம், கல்
கலை, திரு, விழா, கரு
4. அ. நல்ல செயல்களைப் பழகு
ஆ. வயலில் களை பறி
5. மோகன் எங்கே போனான்? என்ன வாங்கினான்?
கவிதாவை யார் அழைத்தது? என்ன கூறினார்?
6. இ. சுற்றுச்சூழலைப் பாதுகாக்க வேண்டும்.
அ. அருவி எவ்வளவு அழகாக இருக்கிறது!
7. மலர்கள்
ஏரி
8. மாணவர்கள் சாலையைக் கடக்கின்றனர்
சாலையில் வாகனம் செல்கிறது
9.
1.அ. முயற்சி செய்து இருந்து கற்றுக் கொண்ட பாடம்
2.இ. இறந்த காலம்
10. படித்துக் காட்டுதல்
யார் மீது குற்றம் ஒரு குட்டிக்கதை மாணவர் நன்னெறிக் கதை tamil short story yaar meethu kutram
tamil short story yaar meethu kutram
உயர்கல்வியே எங்கள் இலக்கு உயர்கல்வி வழிகாட்டி வினாடி வினா pdf
பதிவிறக்கு/DOWNLOAD
Carrier guidance quiz questions with answers pdf
Uyarkalviye engal ilakku
Uyarkalvi vazhikatti pdf
பத்தாம் வகுப்பு தமிழ் 100 ஒரு மதிப்பெண் வினாக்கள் தேர்வு வினாத்தாள் pdf சென்னை மாவட்டம் 2026
பதிவிறக்கு/DOWNLOAD
SSLC TENTH 10TH TAMIL 1 MARK TEST 100 QUESTIONS EXAM QUESTION PAPER PDF CHENNAI DISTRICT 2026
மூன்றாம் இடைப் பருவத் தேர்வு கால அட்டவணை பிப்ரவரி 2026
Third mid term exam date time table February 2026
பள்ளிக் காலை வழிபாட்டுச் செயல்பாடுகள் 28-01-2026. புதன்
School morning prayer activities
பள்ளிக் காலை வழிபாட்டுச் செயல்பாடுகள்
28-01-2026. புதன்
திருக்குறள் :
பால் : பொருட்பால்
; இயல்: அரசியல் ;
அதிகாரம் : பெரியாரை துணைக்கோடல்
; குறள் எண் : 444
குறள் :
தம்மிற் பெரியார் தமரா ஒழுகுதல்
வன்மையு ளெல்லாந் தலை.
உரை :
தம்மைவிட (அறிவு முதலியவற்றால் ) பெரியவர் தமக்குச் சுற்றத்தராகுமாறு நடத்தல், வல்லமை எல்லாவற்றிலும் சிறந்ததாகும்.
பழமொழி :
தவறுகள் அனைத்தும் மறைந்துள்ள பாடங்கள்.
Mistakes are lessons in disguise.
இரண்டொழுக்க பண்புகள் :
1. கண்காணிக்க எவரும் இல்லாத போதும் கடைபிடிக்கப்படும் நேர்மையே உண்மையான ஒழுக்கம்.
2. எனவே எப்பொழுதும் ஒழுக்கத்தை கடைபிடிப்பேன்.
பொன்மொழி :
+ சிந்தனையைவிட செயலால்தான் எல்லோரையும் மாற்றி அமைக்க முடியும். வில்லியம் வேர்ஸ்ட்வொர்த்.
பொது அறிவு :
01.தென்னிந்தியாவின் ஆக்ஸ்போர்டு என்று அழைக்கப்படும் இடம் எது?
பாளையங்கோட்டை- Palayamkottai
02.உலகிலேயே மிகவும் நச்சுத்தன்மை வாய்ந்த (Venomous) மீன் எது?
ஸ்டோன் ஃபிஷ் Stonefish (Synanceia)
English words:
Struggle, scuffle
இழுபறி
Vagrant, vagabond
நாடோடி
தமிழ் இலக்கணம்:
சரியான முறையில் எண்களைத் தமிழில் எழுதுவது எப்படி பாகம் 2
இருபத்தி, முப்பத்தி, ஐம்பத்தி என்று எழுத கூடாது என்று பார்த்தோம்.
இருபத்து மூன்று, முப்பத்து நான்கு இவற்றில் மூன்று, நான்கு என்பவை உயிர் மெய் எழுத்துகள் எனவே அவற்றைப் பிரித்து எழுதலாம்.
> ஆனால் ஐம்பத்து ஆறு என்பதில் ஆ உயிர் எழுத்து எனவே சேர்த்து எழுதுவது சிறப்பு.
ஐம்பத்தாறு, எழுபத்தியேழு, எண்பத்தொன்பது முதலியன.
ஜனவரி 28
லாலா லஜபதி ராய் அவர்களின் பிறந்தநாள்
லாலா லஜபதி ராய்
பிறப்பு 28 ஜனவரி 1865 ; இறப்பு - 17 நவம்பர் 1928.
ஒரு எழுத்தாளரும் அரசியல் தலைவரும் ஆவார். இந்திய விடுதலைப் போராட்டத்தில் இவரது பங்குக்காக இவர் பெரிதும் மதிக்கப்படுகிறார். இவரை மக்கள் பஞ்சாப் சிங்கம் எனவும் அழைப்பதுண்டு.
லால்-பால்-பால் என்று அழைக்கப்படும் மூன்று முக்கியத் தலைவர்களுள் இவரும் ஒருவராவார். மற்ற இருவர் பால கங்காதர திலகர் மற்றும் பிபின் சந்திர பால் ஆவர்.
'லாலா லஜபத் ராய்' பஞ்சாப் தேசிய வங்கி மற்றும் "லட்சுமி காப்புறுதி கம்பெனி" ஆகியவற்றை நிறுவியவரும் ஆவார்.
நீதிக்கதை -நாயும் அதன் நிழலும்
ஒரு இறைச்சிக் கடையில் இருந்த மாமிசத்துண்டு ஒன்றை திருடிய நாய் ஒன்று அதனை தன் வாயில் கவ்விக் கொண்டு தன் இருப்பிடம் நோக்கிச் சென்றது. தன் இருப்பிடத்திற்குச் செல்லும் வழியில் நாய் ஒரு ஓடையைக் கடக்க முயன்ற போது அதன் உருவமும், அது தன் வாயில் வைத்திருந்த மாமிசத்துண்டும் தண்ணீரில் தெரிந்தது.
அதைக் கண்ட நாய் அந்த உருவம் தன்னுடையது என்று அறியாமல் தண்ணீரில் தெரிந்த மாமிசத்துண்டினையும் கவ்வ எண்ணி லொள், லொள் எனக் குரைத்து கொண்டே தண்ணீரில் தெரிந்த நாயின் மீது பாய்ந்தது. அப்போது அதன் வாயில் இருந்த மாமிசம் தண்ணீரில் விழுந்தது. மாமிசத்தைத் தேடிச் சென்ற நாய் தண்ணீரில் தத்தளித்து. ஆற்றிலிருந்து தன் உயிரைக் காப்பாற்றிக் கொண்டால் போதும் என்று நினைத்துக் கரையேறியது.
நீதி : ஒருவனிடம் இருப்பதையும் இல்லாமல் போகச் செய்வது பேராசை
இன்றைய செய்திகள் - 28.01.2026
*தமிழகத்தில் உள்ள தனியார் பள்ளிகளின் கட்டணத்தை முறைப்படுத்தவும், பெற்றோர்களுக்கு கூடுதல் அதிகாரம் அளிக்கவும் வகை செய்யும் "தமிழ்நாடு பள்ளிகள் திருத்தச் சட்டம்- 2026 தமிழக சட்டப்பேரவையில் ஒருமனதாக நிறை வேற்றியுள்ளது.
* சென்னையில் பெண்கள் மட்டுமே பயணிக்க 10 'பிங்க்' பஸ் சேவைகள்- முதலமைச்சர் தொடங்கி வைத்தார்.
* ஐரோப்பிய ஒன்றியம் உடனான வர்த்தக ஒப்பந்தத்தால் இந்தியாவிற்கு ஜவுளி மற்றும் ஆடைகள் மீதான வரி 12% லிருந்து 0% ஆகக் குறையும். ரயில்வே, கப்பல் தயாரிப்புகள் மீதான வரி 7% லிருந்து 0% ஆகக் குறையும்.
விளையாட்டுச் செய்திகள்
நடப்பு ஆண்டின் முதல் கிராண்ட்ஸ்லாம் தொடரான ஆஸ்திரேலிய ஓபன் தொடர் மெல்போர்னில் நடந்து வருகிறது.
இந்தத் தொடர் பிப்ரவரி 1-ம் தேதி வரை நடக்கிறது.
*இந்தியா - நியூசிலாந்து அணிகள் 5 போட்டிகள் கொண்ட டி20 தொடரில் விளையாடி வருகிறது. முதல் 3 போட்டிகள் முடிவில் 3-0 கணக்கில் இந்தியா தொடரை கைப்பற்றியது.
Today's Headlines - 28.01.2026
* The Tamil Nadu Schools Act-2026 Amendment, which will regulate the fees of private schools in Tamil Nadu and provide more power to parents, has been unanimously passed in the Tamil Nadu Legislative Assembly.
* Tamil Nadu Chief Minister inaugurated 10 Pink bus services for women only in Chennai.
* The trade agreement with the European Union will see India's tariffs on textiles and clothing reduced from 12% to 0%. And tariffs on railway and shipping products will be reduced from 7% to 0%.
SPORTS NEWS
The Australian Open, the first Grand Slam of the year, is underway in Melbourne. The tournament runs until February 1.
India and New Zealand are playing a 5-match T20 series. India won the series 3-0 after the first 3 matches.
Prepared by
Covai women ICT போதிமரம்
Tuesday, January 27, 2026
பத்தாம் வகுப்பு அறிவியல் முதல் திருப்புதல் தேர்வு தமிழ் & ஆங்கில வழி வினாத்தாள் pdf விருதுநகர் மாவட்டம் 2026
Tenth science first revision exam question paper pdf virudhunagar district tamil and English medium 2026 sslc
11th third mid term exam date time table 2026
11 ஆம் வகுப்பு மூன்றாம் இடைப் பருவத் தேர்வு கால அட்டவணை பிப்ரவரி 2026
பள்ளி காலை வழிபாட்டுச் செயல்பாடுகள் 27-01-2026. செவ்வாய்
School morning prayer activities
பள்ளி காலை வழிபாட்டுச் செயல்பாடுகள்
27-01-2026. செவ்வாய்
திருக்குறள் :
பால்: பொருட்பால்
; இயல்: அரசியல் ;
அதிகாரம் : பெரியாரைத் துணைக்கோடல்
; குறள் எண் : 441.
குறள்:
அறனறிந்து மூத்த அறிவுடையார் கேண்மை திறனறிந்து தேர்ந்து கொளல்.
உரை :
அறம் உணர்ந்தவராய்த் தன்னை விட மூத்தவராய் உள்ள அறிவுடையவரின் நட்பை, கொள்ளும் வகை அறிந்து ஆராய்ந்து கொள்ள வேண்டும்.
பழமொழி :
> முயற்சி இல்லாத இலக்கு வெறும் கனவாகவே இருக்கும்.
A goal without effort stays a dream.
இரண்டொழுக்க பண்புகள்:
1. கண்காணிக்க எவரும் இல்லாத போதும் கடைபிடிக்கப்படும் நேர்மையே உண்மையான ஒழுக்கம்.
2. எனவே எப்பொழுதும் ஒழுக்கத்தைக் கடைபிடிப்பேன்.
பொன்மொழி :
+ புத்தகமும் கதவும் ஒன்றே. இரண்டையும் நீங்கள் திறந்தால் வேறு ஒரு உலகிற்குச் செல்வீர்கள். - ஜீனெட் விண்டர்சன்.
பொது அறிவு :
01.உலகிலேயே மிகவும் விலையுயர்ந்த விலங்குகளில் முதன்மையானது எது?
பந்தயக் குதிரை - Race horse
02. பழங்காலத்தில் சேரன் தீவு என்று அழைக்கப்பட்ட நாடு எது?
இலங்கை - Srilanka
English words:
Ingenious-clever and inventive
Dreadful-extremely bad
ஜனவரி 27
பன்னாட்டு பெரும் இன அழிப்பு நினைவு நாள் (International Holocaust Remembrance Day)
நீதிக்கதை -நட்புக்குத் துரோகம்
ஒரு அடர்ந்த காட்டில் வசித்து வந்த ஒரு நரியும், ஒரு கழுதையும் இருவரும் ஒன்றாகவே சேர்ந்து நாள்தோறும் இரைதேடச் செல்ல வேண்டும் என்றும், அப்படி இரைத் தேடச் செல்லும் போது இரண்டு பேரில் யாருக்கு என்ன ஆபத்து ஏற்பட்டாலும், மற்றவர் ஆபத்தை விலக்க போராட வேண்டும் என்றும் ஒரு ஒப்பந்தம் செய்து கொண்டு வாழ்ந்து வந்தன.
ஒரு நாள் நரி, தன் நண்பனான கழுதையை இரை தேடுவதற்கு அழைத்துச் செல்வதற்காக கழுதையின் இருப்பிடத்தை நோக்கிச் சென்று கொண்டிருந்தது. சிறிது தூரம் சென்றதும், சிங்கம் ஒன்று நரியினை வழி மறித்தது. நரி உடனே சிங்கத்தை நோக்கி, மன்னாதி மன்னா! அற்பப் பிராணியாகிய என்னை கடித்துத் தின்பதால் உங்கள் பசி சற்றும் அடங்கப் போவதில்லை. என்னுடைய நண்பனாகக் கொழுத்த கழுதை ஒன்று இருக்கிறது. அந்த கழுதையைத் தின்பதால் உங்களுக்கு இரண்டு மூன்று நாட்களுக்கு உணவு கிடைக்கும் என்று கூறியது. சிங்கமும் ஒப்புக் கொண்டது. நரி, சிங்கத்தை ஓரிடத்தில் மறைவாக இருக்குமாறு கூறிவிட்டு கழுதையின் இருப்பிடத்திற்குச் சென்றது.
நண்பனே! இரை தேடச் செல்லலாமா? எனக் கழுதையை அழைத்துக் கொண்டு சிங்கம் மறைந்திருந்த இடத்திற்கு வந்து சேர்ந்ததும் மறைந்திருந்த சிங்கமானது, கழுதையின் மீது பாய்ந்துக் கொன்றது. பிறகு சிங்கம், நரியின் மீதும் பாய்ந்து பிடித்துக் கொண்டது. நரி பதறிப் போய், மகாராஜா! எனக்குப் பதிலாகத் தானே கழுதையைக் கூட்டி வந்தேன். இப்போது என்னையே கொல்ல வந்து விட்டீர்களே! என்று நரி நடுக்கத்துடன் கேட்டது.
நீ உன் நெருக்கமான நண்பனையே காட்டிக் கொடுக்கத் தயங்காதவன். நாளை நீ உயிர் தப்புவதற்காக பலம் வாய்ந்த ஒரு விலங்கிடம் என்னைக் காட்டிக் கொடுக்க மாட்டாய் என்று என்ன நிச்சயம். ஆகவே, உன்னை உயிருடன் விட்டு வைக்கக்கூடாது என்று கூறிக் கொண்டே சிங்கம், நரியையும் கொன்று வீழ்த்தியது.
நீதி : முற்பகல் செய்யின் பிற்பகல் விளையும்.
இன்றைய செய்திகள் 27.01.2026
* நிலத்தடி நீரை எடுத்தல் மற்றும் விற்பனைக்கு கொண்டு செல்லுதலை ஒழுங்குமுறைப்படுத்தவும், 'தமிழ்நாடு நீர்வளங்கள் மசோதா' தமிழக சட்டப்பேரவையில் நிறைவேறியுள்ளது.
* அமெரிக்காவின் பெரும் பகுதி (3-ல் 2 பங்கு) பனிப்புயலின் பிடியில் சிக்கியுள்ளது. உறைபனியின் தாக்கத்தால் லட்சக்கணக்கான வீடுகள் இருளில் மூழ்கியுள்ளன. 14 கோடி மக்களின் இயல்பு வாழ்க்கையை முற்றிலுமாக முடக்கியுள்ளது. சுமார் 13,000-க்கும் மேற்பட்ட விமானங்கள் ரத்து செய்யப்பட்டுள்ளன.
* உலகின் பல்வேறு பகுதிகளில் இயக்கப்படும் 410 கப்பல்களில் 6,223 மாலுமிகளுக்கு ஊதியம் கிடைக்க வில்லை அதில் 1,125 மாலுமிகள் இந்தியாவைச் சேர்ந்தவர்கள்.
விளையாட்டுச் செய்திகள்
கவுகாத்தி: நியூசிலாந்துக்கு எதிரான 3வது டி20 கிரிக்கெட் போட்டியில் இந்திய அணி 8 விக்கெட் வித்தியாசத்தில் அபார வெற்றி பெற்றது. வரலாறு படைத்தார் அபிஷேக் ஷர்மா; நியூசிலாந்தை எளிதில் வீழ்த்தியது இந்தியா.
Today's Headlines - 27.01.2026
* The Tamil Nadu Water Resources Bill has been passed in the Tamil Nadu Legislative Assembly to regulate the extraction and expensive of ground water.
* A large part of the United States (2/3) is caught in the grip of a blizzard. Millions of homes have been plunged into darkness due to the
impact of the freezing temperatures. It has completely disrupted the normal lives of 140 million people. More than 13,000 flights have been canceled.
* Out of 410 ships operating in various parts of the world, 6,223 sailors have not received their salaries, out of which 1,125 sailors are from India.
SPORTS NEWS
Guwahati: India won the 3rd T20 cricket match against New Zealand by 8 wickets. Abhishek Sharma created history; India defeated New Zealand easily.
Prepared by
Covai women ICT_போதிமரம்
Monday, January 26, 2026
பத்தாம் வகுப்பு தமிழ் 33 வினாத்தாள்கள் pdf இணைப்பு 28 அலகுத்தேர்வுகள் 5 பொதுத்தேர்வு மாதிரி வினாத்தாள்கள்
33 Important Question papers sslc tamil
tenth unit test questions 28
10th tamil public exam model question papers 5
All questions link in one pdf
ஆறாம் வகுப்பு தமிழ் மாதிரி பாடக்குறிப்பு பராபரக்கண்ணி
6th tamil model notes of lesson
lesson plan February 2
ஆறாம் வகுப்பு தமிழ் மாதிரி
பாடக்குறிப்பு
1.நாள்
2.பருவம்
3
3.அலகு
2
4.பாடத்தலைப்பு
எல்லாரும் இன்புற – கவிதைப்பேழை
5.உட்பாடத்தலைப்பு
பராபரக்கண்ணி
6.பக்கஎண்
7.கற்றல் விளைவுகள்
T-611 ஒலியியைபு, சந்தம் முதலான யாப்பமைதிக் கூறுகள், மரபுத்தொடர்கள் போன்ற மொழியின் மரபு, நடை,
நுட்பங்கள் போன்றவற்றைக் கருத்தில்கொண்டு, கதைகள்,
கட்டுரைகளின் நயம் பாராட்டல்.
T-610 பல்வேறு பாடப்பொருள்கள் பற்றித்
தமிழில் உள்ள பனுவல்களை (செய்தித்தாள்கள், பருவ இதழ்கள், கதைகள், இணையத்தில் தகவல் தரும் பகுதிகள்
போன்றவற்றில் இருந்து) படித்துப் புரிந்துகொண்டு, அவற்றின்மீதான கருத்துரைகளைப் பகர்தல், தங்களின் விருப்பு வெறுப்புகளை
வெளிப்படுத்துதல்.
8.கற்றல்
நோக்கங்கள்
எல்லா உயிர்களிடத்தும் அன்பு செய்தல், பிறருக்கு உதவி
செய்தல் போன்ற அறச்சிந்தனைகளை அறிதல்.
9.நுண்திறன்கள்
பாடல்கள், கதைகள் மற்றும் கட்டுரைகளின்
நயம்பாராட்டுதல்.
10.கற்பித்தல் துணைக்கருவிகள்
இணைய வளங்கள்
https://tamilthugal.blogspot.com/2023/01/3-2-6th-tamil-mindmap-term-3-unit-2.html
https://tamilthugal.blogspot.com/2021/01/3-2-6th-tamil-paraparakanni.html
https://tamilthugal.blogspot.com/2020/02/paraabarakkanni.html
https://tamilthugal.blogspot.com/2019/01/6-3-qr-code-video_62.html
https://tamilthugal.blogspot.com/2019/01/6-3-2.html
11.ஆயத்தப்படுத்துதல்
வாழ்வியல் ஒழுக்கம் பற்றிக் கூறச்செய்தல்.
12.அறிமுகம்
தாயுமானவர் பற்றிக் கூறி, பாடப்பொருளை அறிமுகப்படுத்துதல்.
13.கற்றல் கற்பித்தல்
செயல்பாடுகள்
வாழ்வியல் நெறிகளையும்
ஒழுக்கங்களையும் குறித்து மாணவர்களுடன் கலந்துரையாடுதல். பாடலின் சொற்களுக்கு
அகராதி பார்த்துப் பொருள் அறிவது குறித்து விளக்குதல். தாயுமானவரின் வரிகளுக்குப்
பொருள் கூறுதல்.
மனவரைபடம் மூலம் பாடப்பொருளை
விளக்குதல்.
மாணவர்கள் ஆசிரியர் உதவியுடன்
பாடப்பொருளை அறிதல், பாடத்தின் கருத்துகளை உள்வாங்குதல், வாசித்துப் பொருள்
அறிதல். தங்கள் ஐயங்களைப் போக்குதல்.
14.வலுவூட்டல்
செயல்பாடுகள்
பல்வேறு அறநெறிகளை வாழ்வில் கடைப்பிடிக்கப் பழகுதல்.
15.மதிப்பீடு
எ.சி.வி – கூர் என்பதன் பொருள் ...............................
ந.சி.வி – பராபரக்கண்ணியில் தாயுமானவர் கூறுவதை விளக்குக.
உ.சி.வி – குளிரால் வாடுபவர்களுக்கு உதவுதல் பற்றி எழுதுக.
16.குறைதீர் கற்றல்
மெல்லக்கற்கும் மாணவர்களுக்கு எளிமையாக பாடப்பொருளை மீண்டும் விளக்குதல்.
மீத்திற மாணவர்கள் மூலம் மீண்டும் பாடப்பொருளை விளக்குதல்.
17.தொடர்பணி
பிறர் மகிழும்படி நீ செய்த நிகழ்வுகளைக் கூறு.
உன்னுடைய நிறைகுறைகளைப் பட்டியலிடுக.
ஏழாம் வகுப்பு தமிழ் மாதிரி பாடக்குறிப்பு புதுமை விளக்கு, அறம் என்னும் கதிர்
7th tamil model notes of lesson
lesson plan February 2
ஏழாம் வகுப்பு தமிழ் மாதிரி
பாடக்குறிப்பு
1.நாள்
2.பருவம்
3
3.அலகு
2
4.பாடத்தலைப்பு
ஒப்புரவு ஒழுகு – கவிதைப்பேழை
5.உட்பாடத்தலைப்பு
புதுமை விளக்கு, அறம் என்னும் கதிர்
6.பக்கஎண்
7.கற்றல் விளைவுகள்
T-710 பாடப்பொருள்
ஒன்றை நுட்பமாக நன்கு ஆராய்ந்து அதில் சில சிறப்புக் கூறுகளைத் தேடிக் கண்டறிதல்.
T-701 வெவ்வேறு பாடப் பொருள்களைப் படிக்கவும் அவற்றைக் குழுக்களில்
கலந்துரையாடவும் செய்தல்.
8.கற்றல்
நோக்கங்கள்
பாடலின் பொருள் அறிய அகராதியைப் பயன்படுத்தும் திறன் பெறுதல்.
அறநெறிச்சாரப் பாடலில் உள்ள உருவகத்தையும் அறக்கருத்துகளை எடுத்துரைக்கும் பாங்கினையும்
படித்தறிதல்.
9.நுண்திறன்கள்
வழிபாடு குறித்து அறிதல். அறநெறிகளை உழவுத்தொழிலோடு ஒப்பிட்டு அறிதல்.
குரல் ஏற்ற இறக்கத்துடன் படித்தல்.
10.கற்பித்தல் துணைக்கருவிகள்
இணைய வளங்கள்
https://tamilthugal.blogspot.com/2024/01/blog-post_5.html
https://tamilthugal.blogspot.com/2023/01/3-2-7th-tamil-mindmap-term-3-unit-2.html
https://tamilthugal.blogspot.com/2021/01/3-2-puthumai-vilakku-7th-tamil-kuruvina.html
https://tamilthugal.blogspot.com/2020/01/puthumai-vilakku.html
https://tamilthugal.blogspot.com/2024/01/blog-post_52.html
https://tamilthugal.blogspot.com/2023/01/3-2-7th-tamil-mindmap-term-3-unit-2_22.html
https://tamilthugal.blogspot.com/2021/01/3-2-aram-ennum-kathir-7th-tamil.html
11.ஆயத்தப்படுத்துதல்
வழிபாடு பற்றிக் கூறச்செய்தல்.
உழவுத்தொழில் குறித்து அறிந்தவற்றைப் பகிர்தல்.
12.அறிமுகம்
உருவகம் பற்றிக் கூறி, பாடப்பொருளை அறிமுகப்படுத்துதல்.
13.கற்றல் கற்பித்தல்
செயல்பாடுகள்
பொய்கையாழ்வார்,
பூதத்தாழ்வார் வழிபாடு குறித்து மாணவர்களுடன் கலந்துரையாடுதல். பாடலின்
சொற்களுக்கு அகராதி பார்த்துப் பொருள் அறிவது குறித்து விளக்குதல்.
உருவகம் குறித்து மாணவர்கள்
அறிந்த செய்திகளைக் கூறுதல். பாடல்களை விளக்குதல். மாணவர்களை அறநெறிகள் குறித்து
அறியச் செய்தல். இளமையில் கற்கும் இன்றியமையாமை குறித்து விளக்குதல்.
மனவரைபடம் மூலம் பாடப்பொருளை
விளக்குதல்.
மாணவர்கள் ஆசிரியர் உதவியுடன்
பாடப்பொருளை அறிதல், பாடத்தின் கருத்துகளை உள்வாங்குதல், வாசித்துப் பொருள்
அறிதல். தங்கள் ஐயங்களைப் போக்குதல்.
14.வலுவூட்டல்
செயல்பாடுகள்
அழகான நயங்கள் குறித்து விளக்குதல். பல்வேறு அறநெறிகளை
வாழ்வில் கடைப்பிடிக்கப் பழகுதல்.
15.மதிப்பீடு
எ.சி.வி – களை என்பதன் பொருள் ...............................
ந.சி.வி – பூதத்தாழ்வார் ஞானவிளக்கு ஏற்றும் முறையை விளக்குக.
உ.சி.வி – நீங்கள் விளக்காக உருவகப்படுத்துபவை பற்றி எழுதுக.
16.குறைதீர் கற்றல்
மெல்லக்கற்கும் மாணவர்களுக்குப் பாடப்பொருளை எளிமைப்படுத்தி
மீண்டும் கற்பித்தல். மீத்திற மாணவர்கள் மூலம் மீண்டும் பாடப்பொருளை விளக்குதல்.
17.தொடர்பணி
பன்னிரு ஆழ்வார்களின் பெயர்களைத் திரட்டுக.
பிறருடன் பேசும் போது நீங்கள் பயன்படுத்திய இன்சொற்களைத்
தொகுத்துக் கூறுக.
எட்டாம் வகுப்பு தமிழ் மாதிரி பாடக்குறிப்பு ஒன்றே குலம், மெய்ஞ்ஞான ஒளி
8th tamil model notes of lesson
lesson plan February 2
எட்டாம் வகுப்பு தமிழ்
மாதிரி பாடக்குறிப்பு
1.நாள்
02-02-2026 முதல் 06-02-2026
2.பாடம்
தமிழ்
3.அலகு
7
4.பாடத்தலைப்பு
அறத்தால் வருவதே இன்பம் – கவிதைப்பேழை
5.உட்பாடத்தலைப்பு
ஒன்றே குலம், மெய்ஞ்ஞான ஒளி.
6.பக்கஎண்
132 - 135
7.கற்றல் விளைவுகள்
T-821 படிப்பவரின் தரம், எழுத்தின் நோக்கம் ஆகியவற்றை மனதிற்கொண்டு பயன் விளையுமாறு தன்னைத்தானே
வெளிப்படுத்துதல்.
T-807 கதைகள்,
பாடல்கள், கட்டுரைகள், அறிக்கைகள், நினைவுகள், நகைச்சுவை போன்ற பல்வேறு வகைப்பட்டவற்றைப் படிக்கும்போது அவற்றை நுட்பமாக
ஆய்வு செய்து சில குறிப்பிட்ட செய்திகளைக்
கண்டறிதலும் ஊகித்தறிதலும்.
8.கற்றல் நோக்கங்கள்
அறநெறிகளைக் கூறும் நூல்களைக் கற்று அவை கூறும் கருத்துகளைப் பின்பற்றுதல்.
9.நுண்திறன்கள்
பிறர் துன்பத்திற்கு உதவிய சான்றோர்களின் பெயர்களைத் திரட்டி எழுதுதல்.
நமது நல்ல எண்ணங்களால் விளைந்த பயனைப் பிறருக்குக் கூறுதல்.
10.கற்பித்தல்
துணைக்கருவிகள்
இணைய வளங்கள்
https://tamilthugal.blogspot.com/2023/12/blog-post_19.html
https://tamilthugal.blogspot.com/2022/11/8-8th-tamil-mindmap-unit-8.html
https://tamilthugal.blogspot.com/2021/01/7-ondre-kulam-8th-tamil-kuruvina.html
https://tamilthugal.blogspot.com/2020/01/ondre-kulam.html
https://tamilthugal.blogspot.com/2023/12/blog-post_59.html
https://tamilthugal.blogspot.com/2022/11/8-8th-tamil-mindmap-unit-8_28.html
https://tamilthugal.blogspot.com/2021/01/8-meyngnana-oli-8th-tamil-kuru-vina.html
11.ஆயத்தப்படுத்துதல்
மாணவர்கள் அறிந்த புலவர்கள் குறித்து கூறச்செய்தல்.
12.அறிமுகம்
திருமூலரை, குணங்குடி மஸ்தான் சாகிபை அறிமுகப்படுத்துதல்.
இறைத்தொண்டை மாணவர்களுக்கு அறிமுகப்படுத்துதல்.
13.கற்றல் கற்பித்தல்
செயல்பாடுகள்
மனிதர்களின்
கடமைகள் குறித்து மாணவர்களுடன் கலந்துரையாடல். இறைத்தொண்டை உணரச் செய்தல்.
வாழ்வாங்கு வாழும் முறைகள் குறித்து மாணவர்கள் பேசுதல். ஒன்றேகுலம், மெய்ஞ்ஞான ஒளி
பாடல் குறித்து விளக்குதல்.
மாணவர்களுக்குப் பிடித்த
சான்றோர்கள் குறித்துப் பேசுதல்.
மனவரைபடம் மூலம் பாடப்பொருளை
விளக்குதல்.
மாணவர்கள் ஆசிரியர் உதவியுடன்
பாடப்பொருளை அறிதல், பாடப்பொருளின் கருத்துகளை உள்வாங்குதல், வாசித்துப் பொருள்
அறிதல். தங்கள் ஐயங்களைப் போக்குதல்.
14.வலுவூட்டல்
செயல்பாடுகள்
தமிழ்ப்புலவர்கள் குறித்துக் கூறுதல். மனிதப் பண்புகளை
மாணவர்கள் அறிந்து பின்பற்றுதல்.
15.மதிப்பீடு
எ.சி.வி – நமன் என்பதன் பொருள்
..............................
ஞானியர் சிறந்த கருத்துகளை
மக்களிடம் .....................................
ந.சி.வி – யாருக்கு எமனைப் பற்றிய அச்சமில்லை?
குணங்குடியார் குறித்து எழுதுக.
உ.சி.வி – பிறருக்கு நீங்கள் செய்த உதவிகள் 5 எழுதுக.
16.குறைதீர் கற்றல்
மெல்லக்கற்கும் மாணவர்களுக்குப் பாடப்பொருளை எளிமைப்படுத்தி
மீளக் கற்பித்தல். மீத்திற மாணவர்கள் மூலம் மீண்டும் பாடப்பொருளை விளக்குதல்.
17.தொடர்பணி
திருமூலர் குறித்து இணையம் மூலம் அறிதல்.
கண்ணி வகையில் பாடப்பட்ட பாடல்களைத் தொகுத்தல்.
Subscribe to:
Comments (Atom)
தமிழ்த்துகள்
-
9th tamil model notes of lesson lesson plan February 2 ஒன்பதாம் வகுப்பு தமிழ் மாதிரி பாடக்குறிப்பு 1.நாள் 02-02-2026 முதல் 06-02-2026 ... -
9th tamil model notes of lesson lesson plan January 27 ஒன்பதாம் வகுப்பு தமிழ் மாதிரி பாடக்குறிப்பு 1.நாள் 27-01-2026 முதல் 30-01-2026 ... -
8th tamil model notes of lesson lesson plan January 27 எட்டாம் வகுப்பு தமிழ் மாதிரி பாடக்குறிப்பு 1.நாள் 27-01-2026 முதல் 30-01-2026 2... -
9th tamil model notes of lesson lesson plan January 19 ஒன்பதாம் வகுப்பு தமிழ் மாதிரி பாடக்குறிப்பு 1.நாள் 19-01-2026 முதல் 23-01-2026 ... -
8th tamil model notes of lesson lesson plan February 2 எட்டாம் வகுப்பு தமிழ் மாதிரி பாடக்குறிப்பு 1.நாள் 02-02-2026 முதல் 06-02-2026 2... -
8th tamil model notes of lesson lesson plan February 9 எட்டாம் வகுப்பு தமிழ் மாதிரி பாடக்குறிப்பு 1.நாள் 09-02-2026 முதல் 13-02-2026 2... -
8th tamil model notes of lesson lesson plan January 19 எட்டாம் வகுப்பு தமிழ் மாதிரி பாடக்குறிப்பு 1.நாள் 19-01-2026 முதல் 23-01-2026 2... -
9th tamil model notes of lesson lesson plan February 9 ஒன்பதாம் வகுப்பு தமிழ் மாதிரி பாடக்குறிப்பு 1.நாள் 09-02-2026 முதல் 13-02-2026 ... -
7th tamil model notes of lesson lesson plan January 27 ஏழாம் வகுப்பு தமிழ் மாதிரி பாடக்குறிப்பு 1.நாள் 27-01-2026 முதல் 30-01-2026 2.ப... -
ஆறாம் வகுப்பு தமிழ் மாதிரி பாடக்குறிப்பு வேலுநாச்சியார், சுட்டு எழுத்துகள், வினா எழுத்துகள் ஜனவரி 276th tamil model notes of lesson lesson plan January 27 ஆறாம் வகுப்பு தமிழ் மாதிரி பாடக்குறிப்பு 1.நாள் 27-01-2026 முதல் 30-01-2026 2.ப...
