கரியில் தொடங்கி உமியில் முடியும் காளமேகப் புலவரின் பாடல்

ஆசுகவி புலவர் காளமேகம் எந்தச் சொல் கொடுத்துப் பாடல் பாடச் சொன்னாலும் உடனடியாகப் பாடுவார்.

ஒருமுறை அவரை ஏளனம் செய்ய நினைத்த பெண் ஒருவர் "கரி " என்று தொடங்கி "உமி " எனும் ஈற்றில் (முடிவுறும் சொல் ) பாடல் ஒன்றைப் பாடும்படியாகக் கேட்டுக்கொண்டார்.

உமி கரியாக மாறும் - கரி உமியாக மாறுமா ?

புலவர் காளமேகம்

அடுத்த நொடியில் - பாடிய பாடல் இதோ:

"கரிக்காய் பொரித்தாள் கன்னிக்கா யைத்தீய்த்தாள்

பரிக்காயைப் பச்சடியாய்ப் பண்ணாள் _உருக்கமுள்ள

அப்பைக்காய் நெய்துவட்ட லாக்கினாள் அத்தைமகள்

உப்புக்காண் சீச்சீ யுமி "

தெளிவுரை :

அத்தை மகள்,அத்திக்காயைப் பொரியல் செய்து -

ஆசையாய் வாழைக்காயை நன்கு வதக்கி வைத்து

இளம்பிஞ்சு மாங்காயை பக்குவமாய் தயிர் விட்டு

ஈரமான பச்சடியை ஆசையாய் செய்து வைத்து-

உருண்ட கத்தரிக்காயை நெய்விட்டுத் துவட்டி -

ஊண் தின்னச்சொன்னாள், ஆசை மிகுதியினால்

எக்கச்சக்கமாய் உப்பு போட்டுவிட்டதினால், நான்

ஏமாந்து நின்று சீச்சியென உமிழ்ந்தேன்.