புத்தாக்கப் பயிற்சிக் கட்டகம்
ஒன்பதாம் வகுப்பு
தமிழ்
செயல்பாடு 15
விடைக்குறிப்பு
தாகம் கொண்ட காகத்தை நேர்காணல் காணும் கிளி
கிளி - வணக்கம் காகம் அவர்களே.
காகம் - வணக்கம், வாருங்கள், அமருங்கள்.
கிளி - உங்களால் மறக்க இயலாத நிகழ்வு ஏதேனும் கூறுங்கள்.
காகம் - அப்படியா, அன்று ஒரு நாள் நான் மிகுந்த தாகத்துடன் இருந்தேன்.
கிளி - தண்ணீர் கிடைக்கவில்லையா.
காகம் - ஆம், பல இடங்களுக்கும் பறந்து சென்று பார்த்தேன், தண்ணீரே கிடைக்கவில்லை.
கிளி - பிறகு என்ன செய்தீர்கள்.
காகம் - ஓரிடத்தில் இரண்டு மண்குடங்களில் தண்ணீர் இருந்தது, ஒரு மண்குடத்தின் மீது அமர்ந்து தண்ணீர் குடிக்க முயன்றேன் முடியவில்லை.
கிளி - ஏன் முடியவில்லை.
காகம் - தண்ணீர், குடத்தின் கீழ்ப்பகுதியில் இருந்தது.
கிளி - எப்படிக் குடித்தீர்கள்.
காகம் - அருகே கிடந்த கற்களை ஒவ்வொன்றாக எடுத்துக் குடத்தினுள் போட்டேன்.
கிளி - சிறந்த யோசனை.
காகம் - தண்ணீர் கொஞ்சம் கொஞ்சமாக மேலே வரத்தொடங்கியது.
கிளி - அருமை.
காகம் - பெரிய கல்லைப்போட்டால் விரைவாகத் தண்ணீர் மேலே வரும் என எண்ணி பெரிய கல்லைப் போட்டேன்.
கிளி - அப்புறம் என்னாச்சு.
காகம் - மண்குடம் உடைந்து தண்ணீர் வீணானது.
கிளி - அடடா, பிறகு என்ன செய்தீர்கள்.
காகம் - நான் மனம் தளரவில்லை, பக்கத்தில் இருந்த குடத்தில் சிறுசிறு கற்களாக எடுத்துப்போட்டேன்.
கிளி - தண்ணீர் மேலே வந்ததா.
காகம் - ஆம், தண்ணீர் மேலே வர, அதைப் பருகி என் தாகம் தீர்ந்தது.
கிளி - இந்நிகழ்வு மூலம் என்ன உணர்ந்தீர்கள்.
காகம் - விடா முயற்சி வெற்றி தரும் என உணர்ந்தேன்.
கிளி - நன்றி காகம் அவர்களே.
காகம் - நன்றி.
