சங்கரர்க்கு மாறுதலை சண்முகர்க்கு மாறுதலை .... பாடலும் விளக்கமும்

காளமேகப்புலவர் KAALAMEGA PULAVAR

பாடல்

சங்கரர்க்கு மாறுதலை சண்முகர்க்கு மாறுதலை
ஐங்கரர்க்கு மாறுதலை யானதே – சங்கைப்
பிடித்தோர்க்கு மாறுதலை பித்தாநின் பாதம்
பிடித்தோர்க்கு மாறுதலை பார்

விளக்கம்

சங்கரர்க்கும் ஆறு தலை | சண்முகர்க்கும் ஆறுதலை | ஐங்கரர்க்கும் மாறு தலை ஆனதே | சங்கைப் பிடித்தோர்க்கு மாறு தலை பித்தாநின் பாதம் பிடித்தோர்க்கு மாறுதலை பார் .

எல்லாருக்கும் ஆறு தலை என்று பாடியது.

சங்கரன் தலையில் கங்கை ஆறு உள்ளது.

சண்முகனுக்கு ஆறு தலைகள் உள்ளன.

ஐந்து கை கொண்ட பிள்ளையார்க்கு மாறுபட்ட யானைத்தலை உள்ளது.

சங்கைப் பிடித்த திருமாலுக்கும் பத்துப் பிறவிகளிலும் மாறுபட்ட தலை இருந்தது.

பித்தா! (சிவனே)

உன் திருவடிகளைப் பற்றிய அடியவர்களுக்கும் ஆறுதல் இருப்பதை நீயே பார்.