சந்திரனுக்கும் மலைக்கும் இரட்டுறமொழிதல் SILEDAI CHANTHIRANUM MALAIYUM MOON & MOUNTAIN

காளமேகப்புலவர் KAALAMEGA PULAVAR

பாடல்

நிலவாய் விளங்குதலால் நீள்வான் படிந்து

சிலபோது உலாவுதலாற் சென்று – தலைமேல்

உதித்து வரலால் உயர்மா மலையை

மதிக்கு நிகராக வழுத்து

விளக்கம்

சந்திரன் நிலாவாக விளங்குகிறது. 

நீண்ட வானத்தில் படிந்து சில நேரங்களில் உலாவுகிறது. 

தலைக்கு மேல் தோன்றி வருகிறது.

மலையானது நிலத்தின் வாய் போலப் பிளவு அடுக்குகளோடு காணப்படுகிறது. 

நீண்ட வானத்தில் படிந்திருப்பது போலத் தோன்றுகிறது. 

சில வேளைகளில் நாம் மலைமேல் உலாவி வருகிறோம். 

நம் மேல் உயரமாகத் தோன்றுகிறது.