வைக்கோலுக்கும் யானைக்கும் இரட்டுறமொழிதல் SILEDAI VAIKKOLUM YAANAIYUM

காளமேகப்புலவர் - KAALAMEGA PULAVAR
பாடல்

வாரிக் களத்தடிக்கும் வந்துபின்பு கோட்டைபுகும்

போரிற் சிறந்து பொலிவாகும் – சீருற்ற

செக்கோல மேனித் திருமலைரா யன்வரையில்

வைக்கோலும் மால்யானை யாம்.

விளக்கம்

வைக்கோலானது வாரிக் களத்தில் அடிக்கப்படும். 

பின்னர் அது வைக்கோல் போர்க் கோட்டையாக புகுத்தப்படும். 

வைக்கோல் போரில் அது சிறந்து பொலிவுற்றிருக்கும்.

யானை பகைவர்களை வாரிப் போர்க்களத்தில் அடிக்கும். 

பின்பு வந்து அதன் கட்டுத்தறியாகிய கோட்டைக்குள் புகும். 

போர்க்களத்தில் சிறப்புடன் பொலிவுற்று விளங்கும்