பாம்புக்கும் எலுமிச்சம்பழத்துக்கும் இரட்டுறமொழிதல் SILEDAI PAAMBUM ELUMICHAMPALAMUM SNAKE & LEMON

காளமேகப்புலவர் KAALAMEGA PULAVAR

பாடல்

பெரியவிட மேசேரும் பித்தர் முடியேறும்

அரியுண்ணும் உப்பு மேலாடும் – எரிகுணமாம்

தம்பொழியுஞ் சோலைத் திருமலைரா யன்பரையில்

பாம்பும் எலுமிச்சம் பழம்

விளக்கம்

பாம்பு பெரிய அளவில் விடம் (நஞ்சு) சேர்ந்திருக்கும். 

பித்தராகிய சிவபெருமான் முடிமேல் ஏறியிருக்கும். 

அரி (காற்று) உண்ணும். 

அதனால் (தலையானது) உப்பி மேலே படமெடுத்து ஆடும். 

எரிச்சல் (சினம்) குணம் உடையது

எலுமிச்சம்பழம் பெரியவர்களிடம் செல்லும்போது மரியாதை நிமித்தமாகத் தரப்பட்டுப் பெரியவர்களிடம் போய்ச் சேரும். 

பித்துப் பிடித்தவர் தலையில் தேய்க்கப்படும். 

அரிவாள்மணையில் ஊறுகாய்க்காக அரியப்படும். 

உப்பிட்டு ஊறும் உப்புமேல் ஆடும். 

சாறு கண்ணில் பட்டால் எரியும் குணம் கொண்டது.