நாய்க்கும் தேங்காய்க்கும் இரட்டுறமொழிதல் SILEDAI NAAYUM THENGAYUM DOG & COCONUT

காளமேகப்புலவர் KAALAMEGA PULAVAR

பாடல்

ஓடு மிருக்கும்அதன் உள்வாய் வெளுத்திருக்கும்

நாடுங் குலைதனக்கு நாணாது – சேடியே

தீங்கான தில்லாத் திருமலைரா யன்வரையில்

தேங்காயும் நாயுமெனச் செப்பு

விளக்கம்

சேடி = தோழி 

வாய் = வாய், இடம்; 

உள்வாய் = வாயின் உள், உட்பக்கம்; 

குலை = வாலைக்குலை, தேங்காய்க்குலை; 

வரை = மலை;

நாயானது ஓடும். இருக்கும். 

அதன் உள்வாய் வெள்ளையாக இருக்கும். 

நம்மை நாடி வரும். 

வாலைக் குலைத்து வருவதற்கு வெட்கப்படாது.

தேங்காயில் ஓடும் இருக்கும். 

தேங்காயின் உள்பகுதி வெள்ளையாக இருக்கும். 

தென்னை மரத்தில் நாம் விரும்பும் தென்னங்குலை தள்ளும். தென்னைமரமாக இருக்கும்போது வளைந்துகொடுக்காது.