மதிப்பீட்டுச் செயல்பாடு 1
பின்வரும் படங்களிலிருந்து காற்புள்ளி அமையுமாறு தொடர் அமைத்து எழுதுக.
எனக்குப் பிடித்த காய்கறிகள் பீட்ரூட், காரட், முட்டைக்கோசு, தக்காளி.
இப்படத்தில் மரம், பறவை, விலங்கு ஆகியன உள்ளன.
மதிப்பீட்டுச் செயல்பாடு - 2
வியப்புக்குறி அமையுமாறு தொடரமைக்க.
அடடே! மான் வலையில் மாட்டிக்கொண்டதே!
மதிப்பீட்டுச் செயல்பாடு - 3
முற்றுப்புள்ளி, வினாக்குறி, இரட்டை மேற்கோள் குறி அமையுமாறு தொடர்கள் அமைக்க.
நரி, "நன்றாக இருக்கிறாயா?" என்று மானிடம் கேட்டது.
மதிப்பீட்டுச் செயல்பாடு - 4
கீழ்க்காணும் தொடர்களில் உரிய நிறுத்தக்குறிகளை இடுக.
1. நான் தண்டமிழைக் கற்று என் வாழ்வில் உயர்ந்தேன் என்று தமிழாசிரியர் கூறினார்
"நான் தண்டமிழைக் கற்று, என் வாழ்வில் உயர்ந்தேன்" என்று தமிழாசிரியர் கூறினார்.
2. அண்ணா சிந்தி சீர்தூக்கு செயல்படு என்று கூறினார்
அண்ணா, "சிந்தி, சீர்தூக்கு, செயல்படு" என்று கூறினார்.
3. தமிழ் இலக்கணம் ஐவகைப்படும் அவையாவன எழுத்து சொல் பொருள் யாப்பு அணி
தமிழ் இலக்கணம் ஐவகைப்படும். அவையாவன : எழுத்து, சொல், பொருள், யாப்பு, அணி.
4. அடடே ஏனப்பா அழுகிறாய் என்ன வேண்டும் உனக்கு
அடடே! ஏனப்பா அழுகிறாய்? என்ன வேண்டும் உனக்கு?
5. அனுமனைப் பார்த்து இராவணன் வாலி நலமா என்று கேட்டான்
அனுமனைப் பார்த்து இராவணன், "வாலி நலமா?" என்று கேட்டான்.
6. இந்தச் சிலையை எங்கே வாங்கினீர்கள் நன்றாக இருக்கிறதே என்று கேட்டார்
"இந்தச் சிலையை எங்கே வாங்கினீர்கள்? நன்றாக இருக்கிறதே!" என்று கேட்டார்.
